Historia

A historia da administración de lotería número 12 de Lugo comeza un martes 13. Unha orde do Ministerio de Economía e Facenda de data 5 de decembro de 1997, nomea a Alfredo Seijas, xefe da Administración situada no entón Centro Comercial Continente de Lugo.

Nalgún momento dese frío e lonxano decembro, un gato negro debeu cruzarse no camiño de Alfredo, porque non será ata o 5 de xuño do ano seguinte cando tomará posesión do cargo de administrador de lotería por parte do delegado provincial de Economía e Facenda de Lugo.

Ese día espertou contento e os ánimos non caeron nin despois de que a salgadera derramase accidentalmente sobre as súas tostas con aceite e a vella alcaiata do baño cedera, estrelando o espello diante do cal se afeitaba cada mañá. Tampouco lle asustou ver que comezaran algúns traballos debaixo da súa casa e tiña que pasar por debaixo dunha escaleira para chegar á rúa. Pola contra, algo no seu interior díxolle que aquel día comezaba un camiño cheo de fortuna e prosperidade. Mentres camiñaba cara á administración de lotería pensou "se o delegado provincial é calvo, seguramente traerá moita sorte". O delegado levaba un pelo envexable.

A pesar da ilusión do lotero, os premios importantes facíanse de rogar e Alfredo comezou a impacientarse. Quería romper o Gafe dunha vez! Mágoa que cando finalmente entregou o 1º premio da lotería nacional fose o 20 de decembro, dous días antes da Lotería de Nadal, e pasou inadvertido.

Centos de clientes, amigos, premios, e ilusións despois, no ano 2015, a administración trasladouse á súa actual sede, no nº86-88 da Ronda das Fontiñas.

Moitas cousas mudaron nestes anos, pero o que se mantivo intacto é o espírito emprendedor e optimista do Gafe. É parte da súa identidade. O seu segredo para conquistar o azar? Sempre o tenta cun sorriso e moito sentido do humor. Iso xa é ter moita sorte.